අට්ටික්කා ගහ ගාවට වෙලා..
උඹ එනකම් හැමදාමත්
හැන්දෑ යාමේ
මගේ සුදු මැණිකේ..
බලාන උන්නා මං...
ගමේ කෙල්ලෝ රොත්තට
පේන්න නෝක්කාඩු බැලුම්
හෙලුවට..
සත්තයි තරහ නෑ
ආදරෙයි සුදු මැණිකේ
පණටත් වඩා උඹට මං...
ආරංචියි උඩහ ගමේ
ආරච්චිගේ ලොකු පුතා
සිදාදියේ මහත්තයාට
උඹ සහේට දෙන්න යනවලු..
හිතට දුක උනාට
උඹේ අනාගතේ
සතුටින්නම්..
මගේ සුදු මැණිකේ
උඹ වෙනුවෙන්
හැමදාමත් තනියම
දුක් විඳින්නම් මං...
No comments:
Post a Comment