පුරහඳ කළුවර චිත‍්‍රපටියට බලපෑ නීතිමය තත්ත්ව ය.

   වාරණය යනු දෝෂ පරික්ෂවයි. සාහිත්‍ය, කලාව ඇතුළු යම් සන්නිවේදන මාධ්‍යයක දෝෂ නැතහොත් යෝග්‍යතාවය පරික්ෂාකර නොගැලපෙන දෑ ඇතොත් ඒවා ඉවත්කොට අමතක කිරීම මින් අදහස් කෙරේ.එහි වචනාර්ථය වැළකීම, තහනම,මුවාව හෝ බාධක වශයෙන් සරසවි ශබ්දකෝෂයේ දක්වා ඇත.

                                

   එ පරිදි ලාංකික සිනමාව ගත් කල ලාංකික සිනමාපට කෙරෙහි නීතිමය හා නීතිමය නොවන වාරණ අවස්ථාවන් ක‍්‍රියාත්මක ව ඇති ආකාරය චිත‍්‍රපට පිළිබඳ ව පරීක්ෂාවන් හි දී දැකගත හැකි ය. එකී චිත‍්‍රපට අතරින් නීතිමය නොවන ක‍්‍රියාවලියක් මත වාරණය කරන්නට උත්සහ කරන ලද චිත‍්‍රපටයක් වශයෙන් ප‍්‍රසන්න විතානගේයන් ගේ ”පුරහඳ කළුවර” චිත‍්‍රපටය නම් කළ හැකි ය. නමුත් පසු ව අධිකරණ තීන්දුවක් මගින් නැවත ප‍්‍රදර්ශනය කිරීම ට අවස්ථාව ලැබුණු මෙම චිත‍්‍රපටය එකල වරණයට ලක් කිරීම ට බල පෑ නෛතිකමය හේතූන් මෙපරිදි පෙන්වාදිය හැකි ය.

                                

  පුරහඳ කළුවර චිත‍්‍රපටය සෑදීමටත් පෙර මුලින් ම වාරණය වී ඇත්තේ එහි මුල් පිටපත යි. එබැවින් පේ‍්‍රක්ෂකයාට වත්මනෙහි නැරඹිය හැකිවන්නේ මුල් පිටපත වාරණය වූ පසු නැවත සකස්කොට ගනු ලැබූ පිටපතට අනුව සැකසුණ චිත‍්‍රපටය යි.

                                

    ඉන් අනතුරුව රැඟුම් පාලක මණ්ඩලයේ නිසි බලධාරියා විසින් සිනමා පටය වාරණය ට ලක් වීම සිදු විය. එනම් 2000.05.22 දින පත් වී ඇති නිසි බලධාරියාවන ආරියදාස රූපසිංහ විසින් එවා ඇති ලිපියකට අනුව හදිසි නීති රෙගුලාසි යටතේ එවකට ලංකාව තුළ පැවතී යුධමය හේතු සාධක මත චිත‍්‍රපටයේ තේමාව මෙන් ම එහි අන්තර්ගත සමහර සිදුවීම් ද අනුමත කළ නොහැකි බව පුරහඳ කළුවර චිත‍්‍රපටයේ අධ්‍යක්ෂක මෙන්ම නිෂ්පාදක ද වූ ප‍්‍රසන්න විතානගේ මහතා වෙත දැනුම් දී ඇත.

         

   ඉන් අනතුරුව 2000.07.03 දින පුරහඳ කළුවර චිත‍්‍රපටයේ අධ්‍යක්ෂ ප‍්‍රසන්න විතානගේ විසින් ජාතික චිත‍්‍රපට සංස්ථාවේ සභාපතිතුමා වෙත ලිපියක් යොමු කර දක්වා ඇත්තේ නිසි බලධාරියා විසින් 2000.05.22වන දින ගත් තීරණය බල රහිත බවත් පුරහඳ කළුවර චිත‍්‍රපටය ජනතාව ට ප‍්‍රදර්ශනය කිරීම ට තමන් ට අවස්ථාවක් ලබා දෙන බවත් ය. එහි දී පෙළ ගස්වා ඇති සාධක මෙසේ සඳහන් කළ හැකි ය.

                                 

     පුරහඳ කළුවර චිත‍්‍රපටය රැුඟුම් පාලක මණ්ඩලය  විසින් ප‍්‍රදර්ශනය සඳහා අනුමැතිය ලබා ‘සරෝජා’ චිත‍්‍රපටයෙන් පසු පස්වන මණ්ඩලයෙන් තිරගත කිරීමට සංස්ථාවේ නීතිරීතිවලට අනුව පෙළ ගස්වා තිබුණි.

                                

     හදිසි නීති රෙගුලාසි අනුව යුධමය සම්බන්ධ චිත‍්‍රපට පවා නිසි බලධාරියා වෙත ඉදිරිපත් කළ යුතු යැයි පනවා තිබූ නියමය අනුව 2000.05.22 දින දරන ලිපියෙන් පුරහඳ කළුවර චිත‍්‍රපටය හදිසි නීති රෙගුලාසි 2000 අංක 11 යටතේ අනුමත කළ නොහැකි බව දන්වා ඇති බවත් ය.

                                

    2000.06.30වන දින ශේෂ්ඨාධිකරණය විසින් නිකුත් කරන ලද සන්ඬේ ලීඩර් නඩු තීන්දුව අනුව නිසි බලධාරියාගේ පත්වීම හා ඔහු දුන් සියලූ නියෝග නීතිය ට අනුකූල නොවන බව ට තීරණය කොට ඇත. ඒ අනුව පුරහඳ කළුවර චිත‍්‍රපටය ප‍්‍රදර්ශනය සඳහා අනුමැතිය නොදෙමින් නිසි බලධාරී ආරියදාස රූපසිංහ දෙන ලද 2000.05.22 දින දරන නියෝගයෙන් ද නීතියට අනුව බල රහිත වේ.

(ශ‍්‍රී ලාංකේය සිනමාව හා වාරණය, එස්. ඇම්. සමන්තා ප‍්‍රියදර්ශනී)

                                

    යට කියන ලද ඔහුගේ ඉල්ලීම්වල ට අනුව හා ප‍්‍රසන්න විතානගේ මහතා චිත‍්‍රපට සංස්ථාවේ සභාපති සමග කරන ලද සාකච්ඡාවට පසුව 2000.07.05 දින චිත‍්‍රපට සංස්ථාවේ සහකාර සාමාන්‍යාධිකාරී ප‍්‍රසන්න විතානගේ මහතා වෙත ලිපියක් එවමින් චිත‍්‍රපටයේ ප‍්‍රදර්ශන පිටපත හැකි ඉක්මනින් ඉන්දියාවේ ජෙමිනි රසායනාගාරයෙන් ගෙන්වා චිත‍්‍රපටයේ පිටපත් සංස්ථා ගබඩාවට භාර දෙන ලෙස දැනුම් දී ඇත. එලෙස ම බෙදා හැරීමේ ගිවිසුම් අත්සන් කර නොමැති නම් ඒ පිළිබඳ ව චිත‍්‍රපට සංස්ථාවේ නිසි බලධාරියා හමුවන ලෙසත් දැනුම් දී  ඇත.

                                

     ඒ අනුව ඉහත තත්ත්වය සලකා බලා පුරහඳ කළුවර චිත‍්‍රපටය 2000.07.28වන දින සිට 05 වන මණ්ඩලයේ සිනමාහල්වල තිරගත කිරීම ට අනුමැතිය ලැබී ඇත.

                     

    විෂය භාර අමාත්‍යවරයා විසින් පුරහඳ කළුවර චිත‍්‍රපටය වාරණය කිරීම ද මෙ පරිදි පෙන්වා දී ඇත.

                

      2000.07.01 දින ලිපියකින් චිත‍්‍රපට සංස්ථාවේ සභාපතිට විෂය භාර අමාත්‍යවරයා වූ සරත් අමුණුගම පුරහඳ කළුවර චිත‍්‍රපටය වාරණය කිරීමට නියෝග කර ඇත. එහි දී දන්වා ඇත්තේ ජාතික චිත‍්‍රපට සංස්ථාවේ 06වන වගන්තියෙන් මට ඇති බලතල අනුව පුරහඳ කළුවර චිත‍්‍රපටය ප‍්‍රදර්ශනය කල් දමන්න ට ජාතික චිත‍්‍රපට සංස්ථාව නියෝග කර ඇත යනුවෙනි.

                                

පුරහඳ කළුවර චිත‍්‍රපටය හා සම්බන්ධ නඩු විභාගය පිළිබඳ ව මෙ ලෙස දක්වාලිය හැකි ය.

                

   චිත‍්‍රපටයේ විෂය භාර අමාත්‍යවරයාගේ මෙම දින නියමයක් නොමැති අත්හිටුවීම මගින් මූලික අයිතිවාසිකම් උල්ලංඝනය වූ බවට ශේෂ්ඨාධිකරණය ට පැමිණිල්ලක් ඉදිරිපත් කර ඇත.

                                

    ඉන් අනතුරුව එවකට චිත‍්‍රපට සමාගමේ සභාපති 2000.07.01 දින සංශෝධිත 2000 අංක 01 දරන හදිසි නීති රෙගුලාසි අනුව පත් කළ නිසි බලධාරියාගේ ත් චිත‍්‍රපටය ජාතික ආරක්ෂාව ට හා තවත් ගැටලූකාරී කරුණුවලින් සමන්විත වන්නේ දැයි විමසා සිටි අවස්ථාවේ නිසි බලධාරියා කිසි විටෙකත් ජාතික ආරක්ෂාව ට හානිකර ආකාරයේ කරුණු චිත‍්‍රපටයේ අඩංගුවන බව ට අදහස් ඉදිරිපත් නොකිරීම යටතේ නඩු විභාගයේ දී අධ්‍යක්ෂකවරයාට වාසිදායක ප‍්‍රතිපලයක් ලැබීම යන්න ද පෙන්වාදිය හැකි ය.

                                

   ඒ අනුව පුරහඳ කළුවර චිත‍්‍රපටය පේ‍්‍රක්ෂකගත කිරීම ට සිනමාහල්වල දී ප‍්‍රදර්ශනය කිරීමට අනුමැතිය ලැබී ඇත.