මිතුරෙකුට පෙම් කළ වගනම්...

නෙතට උළෙලක් වුවත් ඔබ මා        හට
අයිති නැති ලෙස සිතෙයි හැම          විට
අයිති උවහොත් ඔබ කාගේ කා        හට
නැගෙයි කඳුලක් මගේ            නෙතඟට

වැරදියි මං මම ඒ බව                     දනිමි
කෙලෙස සිත හදා ගන්නද මම   නොදමි
සිතන විට මිතුර ඔබ ගැන මට     අහිමි
දුක දරා ගත නොහැකිව තනියම අඬමි

මිතුරු පෙම වැරදියට හිතුවද         මන්දා
හිමි නැති ඔබ ගැන සිත වද දෙන  හින්දා
කුමක් කරන්නද මං අසරණ           හන්දා
අහිතක් සිතා දුක් නොදෙන්න        කැන්දා

සමාව ගන්නටවත් මම සුදුසු           නැති
ඔබ මිතුරෙකු පමණි මගේ                නිති
දුක පමණි ඔබ ගැන සිතුවොත්        ඇති
මිතුදම හොඳයි දිගු ගමනක් යන්න  ඇති

හමුවන විටදි සතුටු සිනා මට       දෙන්න
මිතුරෙකු ලෙසින්වත් මා ලඟ ඔබ ඉන්න
දරමි තනියම මා මේ දුක්                ගින්න
පතමි ඔබ හැමදාමත් සතුටින්        ඉන්න

දැනගත් දාට මා පෙම් කළ බව         ඔබට
අහිතක් හිතන්නෙපා මා ගැන   වැරදියට
නොදැනේනම් පෙමක් මා ගැන        ඔබට
තරහා නොවී යන්න සමුගෙන යන     දාට

Dula..